Gjenerali James Mattis do të jetë sekretari i Mbrojtjes në kabinetin e presidentit të ri të SHBA-së, Donald Trump-it.
Njoftimin e ka dhënë vetë Trump në një fjalim të mbajtur në Ohajo.
“Ai është më i miri i yni,” mësohet të ketë thënë Donald Trump, siç bën me dije BBC.
Një kritik i ashpër i politikës së administratës së Obama-s për Lindjen e Mesme, gjenerali James Mattis ka shërbyer më herët në Irak dhe Afganistan.
Posaçërisht një kritik i Obama-s në lidhje me politikën mbi Iranin, ai e ka cilësuar këtë vend si, “kërcënimin më të vijueshëm për stabilitetin dhe paqen në Lindjen e Mesme”.
James Mattis, pas Afganistanit, mori pjesë në pushtimin e Irakut në vitin 2003, dhe, duke iu referuar gjithnjë BBC-së, pati rol kyç një vit më vonë në betejën e Felluxhes. Ai doli në pension në vitin 2013, pasi shërbeu si komandant i Komandës Qendrore të SHBA-së. /tesheshi.com/
