Shefi i Shtabit të Ushtrisë Amerikane Mark Milley paralajmëroi se bota mund të hyjë në një epokë të “paqëndrueshmërisë ndërkombëtare”, me rritjen e fuqisë së Kinës dhe shfaqjen e teknologjive përçarëse të tilla si inteligjenca artificiale dhe robotika, të cilat mund të jenë vendimtare në luftëra.
Gjenerali Milley e krahasoi epokën e tanishme me ndërrime të tjera të mëdha gjeopolitike që kanë ndodhur në historinë botërore, përfshirë rënien e Romës dhe shembjen e Bashkimit Sovjetik.
“Ne jemi duke hyrë në një periudhë të paqëndrueshmërisë së mundshme ndërkombëtarisht,” tha Milley në një fjalim në Universitetin Howard.
Ai shtoi se fuqia në rritje e Kinës po sjell një ndryshim në status quo pas dekadash në të cilën Shtetet e Bashkuara kanë qenë “një fuqi e padiskutueshme ushtarake, politike dhe ekonomike globale”.
Gjenerali amerikan paralajmëroi se ndryshimet gjeopolitike u shoqëruan me risi teknologjike në robotikë, armë hipersonike, inteligjencë artificiale dhe teknologji të tjera, duke shtuar se këto ishin “teknologji jashtëzakonisht përçarëse, të cilat mund të jenë vendimtare në zhvillimin e luftërave”.
Komentet e Milley erdhën vetëm disa ditë pasi Sekretari i Mbrojtjes i SHBA Lloyd Austin paralajmëroi se SHBA duhet të përgatiten për një konflikt të mundshëm në të ardhmen, shumë ndryshe nga “luftërat e vjetra” që kanë lodhur prej kohësh Departamentin e Mbrojtjes. /tesheshi.com/
