Trupi i pajetë i drejtorit sportiv të klubit të futbollit Hatayspor, Taner Savut, 48 vjeç, u gjet në rrënoja të martën, më shumë se dy javë pas tërmeteve shkatërruese që goditën Turqinë dhe Sirinë.
Trupi i Savut u identifikua nga vëllai i tij nga unaza dhe identiteti i tij u përcaktua më pas nga një test i ADN-së.
“Jemi thellësisht të pikëlluar për humbjen e drejtorit tonë sportiv Taner Savut. Zoti e mëshiroftë mësuesin tonë, ngushëllimet tona për familjen dhe fansat e tij. Ne nuk do t’ju harrojmë zoti Taner. Jeni gjithmonë në zemrat tona.” tha Hatayspor në një deklaratë.
Trupi i tij u gjet pranë vendit ku tre ditë më parë u gjet trupi i sulmuesit ganez Christian Atsu, i cili luante për të njëjtin klub.
Kërkimi i tyre zgjati me ditë të tëra dhe fatkeqësisht përfundoi në mënyrën më të keqe të mundshme.
Gjatë karrierës së tij si lojtar, Savut luajti për Fenerbahce, Goztepe, Sakaryaspor dhe Alanyaspor. /tesheshi.com/
