Ambasadori kinez në Izrael Du Wei u gjet i vdekur këtë mëngjes në rezidencën e tij në Herzliya, në periferi të Tel Aviv, raportojnë media.
Du Wei u emërua ambasador në shkurt në mes të pandemisë, ndërkohë që më parë ishte ambasadori i Kinës në Ukrainë.
Ministria e Jashtme izraelite konfirmoi lajmin për vdekjen e ambasadorit 57-vjeçar, por detaje të tjera nuk u bënë të ditura.
Gruaja dhe djali i tij nuk janë në Izrael.
Policia tani është në rezidencën zyrtare kineze. Një hetim është nisur, raportojnë media izraelite. /tesheshi.com/
