Në afërsi të Libanit, me anë të një nëndetëse të telekomanduar, janë gjetur krijesa detare tipike të Atlantikut të Veriut dhe të rajoneve polare. Fshiheshin kushedi prej sa kohësh në thellësi të vështira për t’u eksploruar. Bëhet fjalë për rreth 1 mijë metra thellësi.
Studiuesit detarë të agjencisë për vëzhgimin e oqeanit nuk po arrinin t’u besonin syve kur panë një ‘peshkaqen fener’ (etmopterus) duke notuar në ato ujra. Ky lloj peshku është tipik e ujrave të ftohta të Atlantikut, ashtu si ylli detar i llojit Leptasterias, një organizëm me ngjyrë tipik i detrave polare, edhe ky i gjetur në thellësitë e ujërave libaneze.
Akoma nuk është e qartë si kanë ardhur deri këtu. Tmperaturat e ulta dhe prania e vogël e grabitqarëve në këto ujëra të thella mund të ketë favorizuar mbijetesën e tyre, por nuk mund të thuhet me siguri sa specie të tilla janë futur në këto ujëra. Mbase gjenden aty prej kohësh, por thjeshtë nuk i kishte parë njeri./tesheshi.com/
