Historia e gruas më të gjatë në botë, e cila zbuloi se si filloi të rritet me shpejtësi, gati zbehet nga burri më i gjatë. Ky i fundit është nga Gana. Ai e ka kaluar atë me lartësinë e tij të pabesueshme prej 2.92 metrash.
Konkretisht, bëhet fjalë për Suleiman Abdul Samed, i cili është bërë shumë i njohur në Ganë dhe kudo që shkon të gjithë duan të bëjnë një foto me të, e kjo falë lartësisë së tij të pazakontë prej gati tre metrash.
Kjo lartësi e bën atë njeriun më të gjatë në botë, megjithatë, ekziston një problem i vogël pasi askush nuk mund të thotë me siguri nëse praktika që përdor spitali për ta matur atë është korrekte.
Suleimani para disa vitesh u diagnostikua me gjigantizëm dhe që nga ajo kohë ai shkon çdo muaj për kontrolle të rregullta. Megjithatë, në ekzaminimin e fundit ka ndodhur një situatë e papritur: ishte më i gjatë se matësi në zyrën e mjekut dhe infermierja e habitur ka thirrur menjëherë një koleg, shkruajnë mediat e huaja.
“Ai është më i gjatë se matësi ynë tani,” tha infermierja.
Kolegu i saj sugjeroi që të merrnin një shtyllë dhe ta përdornin për të matur lartësinë e Suleimanit, shtuan mediat.
Pikërisht për shkak të kësaj metode matjeje jo standarde, askush nuk mund të thotë me siguri nëse ai është vërtet 289 centimetra i gjatë. Lajmi për Suleimanin u përhap shpejt në të gjithë vendin dhe për shkak të kësaj, shumë e ndaluan dhe e përshëndetën në rrugë.
Përveç gjithë kësaj, ai nuk mund të drejtojë makinën sepse këmbët e tij janë aq të mëdha sa që e pengojnë atë të mbajë timonin siç duhet, por edhe të qëndrojë në makinë.
Në një nga ekzaminimet e fundit, ekspertët e kanë matur sërish dhe ka rezultuar se është 223 centimetra i gjatë, shumë më pak se sa kanë thënë mjekët e spitalit.
Ndonëse rekordin aktual e mban një turk 247 centimetra i gjatë, Suleiman nuk heziton dhe thotë me vendosmëri se shpreson ta kalojë një ditë.
“Unë jam ende duke u rritur. Kush e di, ndoshta një ditë do ta arrij atë lartësi. Çdo tre deri në katër muaj, shoh një ndryshim në gjatësinë time”, thotë ai, transmeton EurWeb. /tesheshi.com/
