Nisi në Gjykatën Penale të Shkupit gjyqi për organizatorët e dhunës në Kuvendin maqedonas më 27 prill 2017.
Ish-kryetari i Kuvendit Trajko Veljanovski, ish-ministrat e VMRO-DPMNE-së Mile Janakievski dhe Spiro Ristovski, si dhe ish-drejtori i shërbimit sekret maqedonas Vladimir Atanasovski, janë nën akuzë.
Ata akuzohen për veprën penale të “Rrezikut terrorist ndaj rendit kushtetues dhe sigurisë”.
Sipas Prokurorisë Themelore Publike në Shkup, në fillim të vitit 2017, të akuzuarit përgatitën dhe zbatuan një plan që synonte parandalimin e një dorëzimi paqësor te autoritetet.
Ata akuzohen për organizim dhe mbështetje materialisht të protestave masive, së pari para Komisionit Shtetëror të Zgjedhjeve në Shkup, djekur nga protestat e lëvizjes “Për një Maqedoni të Përbashkët”, duke kulmuar me hyrjen e dhunshme në Kuvend më 27 prill, kur Talat Xhaferi u zgjodh kryetar i ri.
Hetimi gjithashtu përfshiu dhe ish-kryeministrin në arrati Nikola Grujevski, si dhe ish-oficerin e inteligjencës Nikola Boskovski, por procedurat u ndërprenë derisa ata të vihen në dispozicion të gjyqësorit maqedonas. /tesheshi.com/
