Kryetari i Partisë Demokratike, Lulzim Basha ka deklaruar se grupi i ardhshëm parlamentar do të dominohet nga të rinjtë. Teksa mbajti një fjalim me të rinjtë protestues në ditën e 8 dhjetorit në qytetin Studenti, Basha deklaroi se ka në plan që 35 % kandidatëve të jenë “gjak i ri”.
“Të forcojmë demokracinë e brendshme, 35% e kandidatëve për grupin e ardhshëm parlamentar të PD do të vijnë nga ju dhe ju do të jeni ata që do t’i zgjidhni lirisht me votën tuaj, sipas aftësive të tyre”, u shpreh Basha.
Nga ana tjetër, ai bërë një krahasim me Shqipërinë e para 26 viteve dhe asaj aktuale. Sipas tij, shqiptarët vazhdojnë të përjetojnë diktaturën e diferencimit, në njerëz të varfër dhe grupi i bllokut.
“Sot disa njerëz jetojnë si sheikë mbi mundin e njerëzve. Kjo ishte dikur bota e bllokut. Edhe sot ka dy botë, janë një grusht njerëzish në një moçal jo me bretkosa, por me krokodilë të korrupsionit e të krimit. Kemi një ekonomi anemike, pa konkurrencë, me sipërmarrës që paguajnë taksa dhe që nuk u kthehen me shërbime. Jemi njësoj si para 26 vitesh, ku dhëhqeësi thoshtë se jemi populli më i ushqyer në botë”, tha Basha para të rinjëve, teksa u bëri thirrje të luftojnë për të marrë përsëri si para 26 vitesh Shqipërinë në dorë.
“Fatin e shqiptarëve e ka përcaktuar rinia. Sot thirrja për liri është apeli për t’u ngritur përsëri e për të refuzuar padrejtësinë, korrupsionin, krimin dhe për të përqauar vlerat europiane”, u shpreh kryeopozitari./tesheshi.com/
