Nuk ka mjaftuar një ndjesë e ambasadorit të OSBE-së në Tiranë, gjermanit Borschard, që ai të “lajë duart” me protestues të kamufluar politikë opozitarë, pasi iu ngriti atyre gishtin e mesit në një moment shkujdesjeje, i gjendur nën romuzet e tyre në kushtet e një qytetari të thjeshtë.
Bëhet fjalë për një ballafaqim rastësor mes tij dhe protestuesve të Unazës së Re, që është shndërruar në fakt në një kështjellë beteje politike opozitare me pushtetin, duke e humbur karakterin e vet social.
Kjo është parë dhe këtë të premte, kur disa gra, me pankata në duar, kanë hyrë në ambientet e selisë së Kuvendit, aty ku po zhvillohej në tryezë e OSBE-së me median. Në pankarta është kërkuar largimi i diplomatit gjerman, paçka se ky i fundit kërkoi ndjesë për gjestin.
Mes grave, raportojnë disa media, është dhe Enxhi Turtulli, anëtare e forumit rinosr të PD-së. Kujtojmë se kjo protestë, është në vazhdën e një sulmi disamujor që opozita ka ndërrmarë ndaj kreut të OSBE-së në Tiranë, pasi i ky i fundit nuk ka mbajtur anën e saj në strategjinë e ndjekur me djegie mandatesh e bojkot zgjedhjesh. Kjo çoi deri aty sa militantë të LSI-së shkruajtën me spraj në hyrjen e pallatit ku banonte, fraza me natyrë kërcënuese. /tesheshi.com/
