OKB e ka cilësuar situatën në Ghouta-n Lindore në Siri, provincë në periferi të Damaskut, si “tej imagjinatës”.
Prej dy ditësh, forcat qeveritare siriane kanë ndërmarrë një operacion, siç thonë ata, për ta pastruar dhe këtë enklavë nga rebelët. Por duket se dhe këtë herë viktima janë civilët. Si pasojë e bombardimeve të fundit, flitet për afro 205 të vdekur, ku një pjesë prej tyre, rreth 50 janë fëmijë.
Një banor vendas i tha BBC-se “se dëgjojmë britma e të qara grash dhe fëmijësh nga dritaret e shtëpive”.
“Nuk ke ku të fshihet nga ky makth që nuk po të ka mbaruar”, shtoi ai.
Para se të nisin bombardimet, Ghouta Lindore ka përjetuar një bllokadë ushqimore nga ana e regjimit, duke çuar deri në krizë humanitare. /tesheshi.com/
