Gjykata Themelore në Prishtinë ka shqiptuar aktgjykimin për katër deputetët e Vetëvendosjes, të akuzuar për hedhje të gazit lotsjellës në Kuvendin e Kosovës, ku secilin prej tyre i ka dënuar me mbi 1 vit burgim me kusht.
Për përdorim të armës, deputeti Albin Kurti është dënuar me 1 vjet e 3 muaj burg për pengim të personit zyrtar me 6 muaj burg.
Deputetja Albulena Haxhiu për përdorim të armës është dënuar me 1 vit e 2 muaj burgim. Për pengim të personit zyrtar me 4 muaj.
Donika Kadaj-Bujupi për përdorim të armës është dënuar me 1 vit e 3 muaj, për pengim të personit zyrtar me 6 muaj burgim.
Ndërsa, deputeti Faton Topalli për përdorim të armës është dënuar me 1 vit burgim dhe për pengim të personit zyrtar me 3 muaj burg.
Të akuzuarit nuk ishin në seancën e sotme kur u bë shpallja e aktgjykimit.
Të katër deputetët e VV-së akuzohen për hedhje të gazit në seancën e Kuvendit të Kosovës me qëllim të pengimit të ratifikimit të Marrëveshjes së Demarkacionit me Malin e Zi dhe Marrëveshjen për Bashkësinë e komunave me shumicë serbe. /tesheshi.com/
