Egjipti, Izraeli dhe Bashkimi Evropian nënshkruan një memorandum mirëkuptimi në Kajro të mërkurën për eksportet e gazit izraelit në Evropë.
Ministrja izraelite e Energjisë, Karine Elharrar shkroi në Twitter:
“Sot, Egjipti dhe Izraeli janë zotuar të ndajnë gazin tonë natyror me Evropën dhe të ndihmojnë në zgjidhjen e krizës energjetike,” tha Elharrar pas ceremonisë së nënshkrimit.
Presidentja e Komisionit Evropian Ursula von der Leyen përshëndeti nënshkrimin e marrëveshjes mes të tre palëve, duke e quajtur atë “historike”.
Të martën, kanali izraelit i lajmeve i24 raportoi se Elharrar do të takohet me presidentin egjiptian Abdel Fattah al-Sisi dhe zyrtarë të tjerë të lartë për të nënshkruar një marrëveshje për transferimin e gazit nga Izraeli në Egjipt përpara se të eksportohet në Evropë.
Pasi Rusia nisi agresionin ndaj Ukrainës, Bashkimi Evropian kërkon të reduktojë varësinë e tij nga nafta ruse dhe mbron marrëveshjet energjetike me vende të tjera, duke përfshirë Izraelin dhe Egjiptin. /tesheshi.com/
