Ditën e sotme (e shtunë, 6 qershor 2015) është shoqëruar në komisariat gazetarja dhe fotografja Besa Selfo që bën pjesë në stafin elektoral të kandidatit të PD-së në qarkun e Gjirokastrës.
Partia Demokratike ka reaguar në lidhje me këtë shoqërim, të cilin e ka cilësuar si me një akuzë shumë të ulët, ndërsa është shprehur se presioni që kandidatja e LSI-së po bën ndaj banorëve të Gjirokastrës është treguesi më i qartë se LSI-ja është duke e ndjerë humbjen.
“Humbësit e LSI-së nuk mund të ndalojnë lirinë e shprehjes me mjete policore. Kandidatja humbëse duhet të përballet me të vërtetën dhe jo të fshihet prej saj”,- thotë Partia Demokratike në një deklaratë për mediat. /tesheshi.com/
