Gazetari i njohur gjerman, Martin Lejeune, ka thënë se se kolegët e tij perëndimorë nuk i kuptuan dhe nuk i pranuan në mënyrë korrekte ndodhitë në Turqi.
Ai deklaroi se tubimi i madh i demokracisë që të dielën do të mbahet në Jeni Kapi të Stambollit, ku pritet të jenë prezentë më shumë se pesë milionë njerëz, do të jetë rast i volitshëm për Perëndimin.
“Si gjerman, do kisha dashur që në këtë tubim të jetë e pranishme edhe kancelarja Angela Merkel. Ky gjest do të manifestonte respektin ndaj popullit turk dhe përkrahjen që ia ofron demokracisë turke. Populli turk nuk ka nevojë për atë, mirëpo populli gjerman ka nevojë për një gjë të këtillë”, deklaroi Martin Lejun.
Gazetari gjerman, thotë se ka mbetur i impresionuar me popullin turk i cili u përball guximshëm me tanket e puçistëve.
“Ajo që e bëri populli turk është sikurse revolucioni francez. U ngritën në mbrojtje të demokracisë, andaj popullit turk duhet t’i ndahet Çmimi Nobël për paqe”.
Martin Lejun kritikoi qëndrimin e shteteve në lidhje me orvatjen për puç ushtarak duke thënë se: “Në 81 qytete të Turqisë tanimë njëzet ditë organizohen Tubimet e demokracisë, ndërsa mediat janë duke i anashkaluar ato, pasi nuk dëshirojnë të shohin asnjë vend mysliman në të cilin me sukses zbatohet demokracia”.
Në fund të shkrimit të tij, gazetari dhe njëherësh intelektuali Martin Lejun, thekson faktin se pas sulmit në Paris, liderët e disa vendeve të botës nxituan drejt këtij qyteti, ndërsa në rastin e përkrahjes së Stambollit dhe Ankarasë nuk është ofruar kurrfarë përkrahje e atillë. /tesheshi.com/
