Gaza: Një vit gjenocid në shifra

Numri i fundit i të vrarëve përfshin 42,612 palestinezë dhe 1,139 njerëz të vrarë në Izrael që nga 7 tetori 2023.

Ministria e Shëndetësisë e Gazës raporton se gati 42,000 palestinezë janë vrarë në sulmet izraelite dhe mijëra të tjerë janë të varrosur nën rrënoja ose të kërcënuar nga sëmundjet.

Ja shifrat më të fundit të viktimave deri më 6 tetor:

Gaza

Të vrarë: të paktën 41,870 njerëz, duke përfshirë afërsisht 16,765 fëmijë
Të plagosur: më shumë se 97,166 njerëz
Të zhdukur: më shumë se 10,000

Shifrat më të fundit nga Ministria e Shëndetësisë Palestineze në Bregun Perëndimor të pushtuar janë si më poshtë:

Bregu Perëndimor i pushtuar

Të vrarë: të paktën 742 njerëz, duke përfshirë më shumë se 163 fëmijë
Të plagosur: më shumë se 6,250 njerëz

Në Izrael, zyrtarët kanë rishikuar numrin e të vrarëve nga sulmet e 7 tetorit, nga 1,405 në 1,139.

Izrael

Të vrarë: 1,139 njerëz
Të plagosur: të paktën 8,730

Shkatërrimi në të gjithë Gazën

Sipas të dhënave më të fundit nga Zyra e Kombeve të Bashkuara për Koordinimin e Çështjeve Humanitare, Organizata Botërore e Shëndetësisë dhe qeveria palestineze që nga 6 tetori, sulmet izraelite kanë dëmtuar:

Më shumë se gjysmën e shtëpive të Gazës (të dëmtuara ose shkatërruara)
80 për qind të objekteve tregtare
87 për qind të ndërtesave shkollore
Pajisjet shëndetësore, ku vetëm 17 nga 36 spitalet funksionojnë pjesërisht
68 për qind të rrjetit rrugor
68 për qind të tokave bujqësore

Asnjë vend nuk është i sigurtë në Gaza

Ushtria izraelite publikoi një hartë të Rripit të Gazës më 1 dhjetor, duke ndarë enklavën në më shumë se 600 blloqe të ndryshme. U kërkua që civilët e Gazës të identifikonin bllokun që korrespondonte me zonën e tyre të banimit dhe të evakuoheshin kur urdhëroheshin.

Megjithatë, fletushkat që urdhërojnë evakuimet janë shpesh të papërputhshme me paralajmërimet online, gjë që ka bërë lëmsh banorët.

Për më tepër, shumë banorë të Gazës nuk kanë si të kenë akses në hartë për shkak të mungesës së energjisë elektrike dhe internetit, si rezultat i bllokadës që ka çuar në shkatërrimin e infrastrukturës së telekomunikacionit.

Çdo orë në Gaza:

15 njerëz vriten. Gjashtë prej tyre janë fëmijë.
35 njerëz plagosen.
42 bomba hidhen*.
12 ndërtesa shkatërrohen.

(*Bazuar në gjashtë ditët e para të luftës, sipas ushtrisë izraelite)

Gazetarët e vrarë

Deri më 31 korrik, mbi 125 gazetarë, kryesisht palestinezë, janë vrarë që nga fillimi i luftës Izrael-Gaza më 7 tetor. Sipas Komitetit për Mbrojtjen e Gazetarëve dhe Federatës Ndërkombëtare të Gazetarëve, të paktën 120 gazetarë palestinezë, tre libanezë dhe dy izraelitë janë vrarë.

Gjashtëmbëdhjetë vite bllokadë izraelite

Rripi i Gazës ka një popullsi prej rreth 2.3 milionë banorësh që jetojnë në një nga zonat më të dendura të populluara në botë. Ai ndodhet midis Izraelit dhe Egjiptit, në bregun e Mesdheut.

Që nga viti 2007, Izraeli ka mbajtur kontroll të rreptë mbi hapësirën ajrore dhe ujërat territoriale të Gazës, duke kufizuar lëvizjen e mallrave dhe njerëzve brenda dhe jashtë Gazës.

Pas sulmeve të Hamasit më 7 tetor në Izraelin jugor, kryeministri izraelit Benjamin Netanyahu ka kërcënuar ta kthejë Gazën në një “ishull të shkretuar” dhe ka paralajmëruar banorët e saj të “largohen menjëherë”.

Si u zhvillua sulmi i Hamasit

Rreth orës 6:30 të mëngjesit (03:30 GMT) më 7 tetor, Hamasi lëshoi një breshëri të madhe raketash drejt Izraelit jugor. Sirenat u dëgjuan deri në Tel Aviv dhe Beersheba.

Grupi tha se lëshoi 5,000 raketa në breshërinë fillestare. Ushtria izraelite tha se u lëshuan 2,500 raketa.

Rreth një orë më vonë, luftëtarët kaluan në Izrael në një operacion të paprecedentë, në shumë fronte, nga toka, ajri dhe deti. Shumica e luftëtarëve hynë përmes të çarave në barrierat e sigurisë që ndajnë Gazën nga Izraeli.

Lagjet e denduara të Gazës

Rripi i Gazës përbëhet nga pesë zona administrative: Gaza Veriore, Qyteti i Gazës, Deir el-Balah, Khan Younis dhe Rafah.

Gaza Veriore shtrihet për 10 km dhe ka një pikëkalim në Izrael përmes Beit Hanoon, i njohur edhe si kalimi Erez.

Në Gaza Veriore ndodhet kampi i refugjatëve Jabalia, më i madhi në Rripin e Gazës.

Qyteti i Gazës është qyteti më i madh dhe më i populluar, me më shumë se 750,000 banorë. Remal, Shujayea dhe Tal al-Hawa janë ndër lagjet më të njohura të saj.

Në zemër të lagjes Remal ndodhet Spitali al-Shifa, objekti më i madh mjekësor në Rripin e Gazës.

Deir el-Balah është një nga prodhuesit më të mëdhenj bujqësorë të Gazës. Ai është gjithashtu shtëpia e katër kampeve të refugjatëve: Nuseirat, Bureij, Maghazi dhe Deir el-Balah.

Centrali i vetëm elektrik funksional i Gazës ndodhet përgjatë kufirit të rrethit me Qytetin e Gazës.

Khan Younis është shtëpia e rreth 430,000 njerëzve. Në qendër të tij ndodhet kampi i refugjatëve Khan Younis, ku jetojnë rreth 90,000 njerëz.

Rafah është qarku më jugor i Gazës me një popullsi prej rreth 275,000 banorësh. Rafah është gjithashtu emri i pikëkalimit me Egjiptin që ndodhet aty.

Të dyja, Izraeli dhe Egjipti, kanë mbajtur kufijtë e tyre kryesisht të mbyllur, duke përkeqësuar më tej situatën tashmë të dobët ekonomike dhe humanitare në Gaza.