Kryediplomati europian Josep Borrell tha së fundi se e gjithë Lindja e Mesme është në “prag të një zjarri total që komuniteti ndërkombëtar duket i paaftë për ta frenuar“.
Me rastin e përvjetorit të parë të gjenocidit në Gaza të kryer nga Izraeli, Borrell tha se “situata vetëm sa po përkeqësohet”.
“Njerëzit në rajon janë më të pasigurt se kurrë dhe kanë rënë në një spirale të pafund dhune, urrejtjeje dhe hakmarrjeje”, tha Borrell, përcjell AA.
Ai tha se BE-ja “dënon dhe refuzon” çdo përshkallëzim të dhunës në Lindjen e Mesme, duke përfshirë raketat e Hezbollahut, bombardimin e Libanit nga Izraeli, zhvendosjen e mbi një milion libanezëve dhe 60,000 izraelitëve, tensionet e rritura mbi sulmet me raketa iraniane dhe zhvillimet “shqetësuese” në Bregun Perëndimor.
Ai vuri në dukje se operacionet ushtarake dhe armët midis të gjitha palëve “nuk do t’i sjellin një të ardhme të mirë popullit të Izraelit apo popullit të Palestinës”.
“Vetëm një zgjidhje politike do të sjellë paqe, siguri dhe prosperitet”, tha Borrell. /tesheshi.com/
