Më shumë se 376,000 palestinezë u kthyen në Rripin verior të Gazës nga e hëna në mëngjes deri dje në mesditë, falë armëpushimit të brishtë midis Izraelit dhe Hamasit, njoftoi Zyra e Kombeve të Bashkuara për Koordinimin e Çështjeve Humanitare (OCHA).
Burrat përbënin gjysmën e këtyre personave të zhvendosur e pjesa tjetër gra e fëmijë, sqaroi OCHA, duke cituar të dhëna nga një grup pune që përfshin disa organizata që ngritën pika numërimi në pjesë të ndryshme të këtij territori palestinez.
“Gratë shtatzëna ose gjidhënëse, të moshuarit, të paaftët, të sëmurët kronikë, personat që kanë nevojë për ndihmë urgjente mjekësore apo të miturit e pashoqëruar janë ndër grupet kryesore të cenueshme mes të zhvendosurve që kanë nisur këtë rrugë të vështirë në këmbë”, tha OCHA.
Today, aid groups provided health care, food and other humanitarian services to people returning to what’s left of northern #Gaza after over a year in displacement.
At last, we can respond to people’s needs meaningfully. #GazaCeasefire is an opportunity we’re not going to miss. pic.twitter.com/4oFVaPAG7n
— OCHA OPT (Palestine) (@ochaopt) January 27, 2025
Qeveria e Hamasit kishte deklaruar më herët se 300,000 njerëz të zhvendosur u kthyen në pjesën veriore të territorit të hënën, pasi ushtria izraelite dha lejen për kthimin e tyre.
Ky kthim, me pamje tejet impresionuese, po i jep një leksion herozmi e atdhedashurie botës, pasi është fjala për një popull që nuk e lëshon tokën e tij pavarësisht vuajteve të paimagjinueshme prej sulmeve brutale të një pushtuesi brutal. /tesheshi.com/
