Policia e Shtetit njoftoi kapje e një të shumëkërkuari për vrasje e plagosje, sipas së cilës sapo bëhej gati të kryente një ekzekutim të radhës.
Kjo, në afërsi të Liqenit Artificial. Fjala është për një prej emrave të krimit në Shkodër, Sadetin Erkoçeviq, 28 vjeç, i njohur si i afërmi i Bajrave.
Rreth orës 20:50 është marrë njoftimi së në rrugën “Bilal Xhaferi”, pranë liqenit artificial në kryeqytet, ndodhej një person i cili bënte lëvizje të dyshimta dhe dyshohej se kishte armë zjarri me vete.
Njoftimi zyrtar i Policisë thotë se “shërbimet e Policisë kanë mbajtur nën kontroll personin duke bërë të mundur që me metoda të shpejta proaktive në bashkëpunim me DVP Tiranë dhe Shkodër të identifikonin personin e dyshuar, person me rrezikshmëri të lartë shoqërore.
Shërbimet policore kanë ndërhyrë menjëherë duke e neutralizuar dhe shoqëruar në komisariatin e Policisë Nr. 2, shtetasin Sadetin Erkoçeviq, 28 vjeç, lindur dhe banues në Shkodër.
Këtij shtetasi në momentin e kontrollit i është gjetur në çantën e dorës një armë zjarri pistolete e tipit Bereta, me 14 fishekë dhe një fishek në fole gati për qitje.
Gjykata e Rrethit Gjyqësor Shkodër, me vendim të formës së prerë në datën 15.02.2018, e ka dënuar me 20 vjet burg për veprat penale ‘Vrasje me dashje’ dhe “Prodhim dhe mbajtje pa leje te armeve e municioneve luftarake”.
Më datë 10.05.2014, në një lokal me muzikë live, autori Sadetin Erkoçeviq ka vrarë me armë zjarri pistoletë shtetasin I.Y. dhe ka plagosur një tjetër (Indrit Hylli dhe Jetmir Molla).
Policia shpërndau dhe shoqërimit. /tesheshi.com/
https://www.facebook.com/1502420603377639/videos/708467366245500/?t=2
