Jeta mund të rikthehet plotësisht në normale vetëm pasi vaksina e virusit koronar të jetë në dispozicion globalisht, tha bashkëthemeluesi dhe filantropi i Microsoft, Bill Gates.
Pritet që vaksina e sëmundjes COVID-19 të mund të zhvillohet deri në fund të vitit.
Duke folur për Fox News, Gates tha që i duhej të punonte shpejt për të zhvilluar vaksinën e re.
Vendet e zhvilluara si SHBA, vazhdoi ai, herët a vonë do të jenë në gjendje të luftojnë virusin, por ai duhet të mposhtet në të gjithë botën.
“Gjërat nuk do të kthehen në normale derisa vaksina të jetë në dispozicion praktikisht në të gjithë botën,” tha Gates, i cili javën e kaluar i bëri thirrje qeverisë amerikane që të fillojë ndërtimin e fabrikave për të zhvilluar vaksinat më premtuese në luftën kundër virusit koronar.
Kjo mund të jetë një humbje miliona dollarësh pasi disa vaksina nuk ka gjasa të kërkohen kurrë dhe kompanitë private nuk mund ta marrin këtë rrezik, tha Gates.
“Kompanitë private nuk mund ta marrin këtë rrezik, por qeveria federale mund”, tha Gates, duke shtuar se kjo është mënyra e vetme për të siguruar prodhimin në masë të vaksinave.
Fondacioni Gates, i cili kryesisht financon programe shëndetësore, ka lënë mënjanë 105 milion dollarë për të luftuar pandeminë aktuale. /tesheshi.com/
