Donald Trump, 77 vjeç, pohoi të shtunën se ndihet “më i mprehtë” se 20 vjet më parë, duke iu përgjigjur kritikave të fundit nga Nikki Haley, rivalja e tij për nominim presidencial republikan. Kjo pasi ajo në dyshim qartësinë e tij mendore, duke përmendur gafa verbale.
Në një tubim në Nevada përpara votimeve të 8 shkurtit – në garën për të nominuar kandidatin e Partisë Republikane kundër presidentit demokrat 81-vjeçar Joe Biden – Donald Trump tha, ndër të tjera, se kandidatët për president të SHBA-së duhet t’i nënshtrohen një vlerësimi mental. Kështu ai mori “dorezën e hedhur” nga Nikki Haley, e cila e kishte bërë më parë këtë sugjerim.
Duke komentuar përgjigjen e Trump, Haley tha në një fjalim në Karolinën e Jugut se nëse do të donte vërtet të bënte një test, nuk do ta kishte problem ta përballonte atë në një debat, të cilin ajo e quajti “testi përfundimtar i aftësisë mendore për çdo kandidat presidencial”.
Trump së fundmi ka rënë në disa rrëshqitje verbale. Në një fjalim të 19 janarit, ai ngatërroi Haley-n me ish-kryetaren e Dhomës së Përfaqësuesve, Nancy Pelosi. Në një rast tjetër, ai kishte ngatërruar fjalët e tij, duke iu referuar presidentit… Obama.
Pas fitoreve të njëpasnjëshme në Iowa dhe New Hampshire, dhe pothuajse i siguruar nga 26 delegatë në Nevada, Trump ka siguruar praktikisht fitoren në garën për nominimin republikan. Por po e irriton fakti që ish-ambasadoja e SHBA-së në OKB refuzon të largohet nga gara. “Është koha për t’i dhënë fund”, tha Trump të shtunën, duke e quajtur Nikki Haley “me tru pule”. /tesheshi.com/
