Fundi i takimit të G7-ës nuk ka lënë hiç shije të mirë në debatet mes të mëdhenjve, ku në qendër ishin masat proteksioniste të ndërrmara nga Trump, mbi importin e aluminit dhe çelikut, ku përfshihen vende te BE-së e Kanadaja.
Kryeministri i kësaj të fundit premtoi tarifa hakmarrëse ndaj SHBA.
“Me keqardhje të madhe, por njëkohësisht me qartësinë absolute e vendosmëri, ne do vendosim masa hakmarrëse që nga 1 korriku. Kanadezët janë të sjellshëm dhe të arsyeshëm, por nuk do të merren aspak nëpërkëmbë”, tha Trudeau.
Ka reaguar Trump duke e quajtur kryeministrin kanadez si të “pandershëm dhe të dobët”. Sipas shefit të Shtëpisë së Bardhë, Kanadaja po ngarkon me tarifa shumë të mëdha fermerët, punonjësit dhe kompanitë amerikane.
Po ashtu Trump tërhoqi firmën e tij nga deklarata e përbashkët lëshuar në fundin e samitit të G7-s. Në të bëhej thirrje për një sistem tregtie të bazuar në rregulla, nënshkruar nga të gjithë pjesëmarrësit. /tesheshi.com/
