Britania ka gjobitur Facebook-un me 500.000 paund, ose 567,000 euro, për rolin në skandalin që shpërtheu për shkak të vjedhjes së të dhënave private ku është përfshirë kompania britanike Cambridge Analytica.
Zyra e Komisionerit të Informacionit (ICO) ka arritur në përfundimin se Facebook ka lejuar një shkelje serioze të ligjit në këtë rast.
ICO deklaroi se Facebook lejoi qasje në të dhënat private të përdoruesve pa pëlqimin e tyre të veçantë.
Facebook akuzohet se nuk ka arritur të sigurojë që të dhënat personale të mbrohen, sepse nuk ka kontrolluar në mënyrë adekuate aplikacionet dhe njerëzit që kanë punuar në zhvillimin e aplikacioneve.
Komisioneri i Informacionit, Elizabeth Denham vuri në dukje se Facebook nuk ka arritur të mbrojë “privatësinë e përdoruesve të tij”. /tesheshi.com/
