Karim Benzema ngriti të martën një padi për shpifje kundër ministrit të Brendshëm francez Gerald Darmanin, i cili vitin e kaluar tha se ish-ylli i Real Madridit kishte lidhje “famëkeqe” me Vëllazërinë Myslimane.
Darmanin, një i djathtë me plane për presidencën franceze, kritikoi Benzeman pasi ish-sulmuesi i Francës dhe fituesi i Topit të Artë të vitit 2022 postoi në platformën X në mesin e tetorit në mbështetje të popullit të Gazës, duke thënë se ishin viktima të një “bombardimi të padrejtë” të kryer nga Izraeli si hakmarrje për sulminnga Hamasi më 7 tetor.
Darmanin iu përgjigj postimit të Benzemas duke thënë se lojtari “ka një lidhje famëkeqe me Vëllazërinë Myslimane”, një grupim nga Egjipti.
Ankesa e Benzemas, e paraqitur nga avokati i tij Hugues Vigier dhe e parë nga AFP, thotë se akuza e ministrit “minon” nderin dhe reputacionin e lojtarit.
Në ankesën e tij, Benzema, i cili luan për klubin saudit Al-Ittihad dhe është mysliman, thotë se ai “kurrë nuk ka pasur as lidhjen më të vogël me Vëllazërinë Myslimane”.
Në tetor, Darmanin tha se nuk kishte “asgjë kundër” Benzemas, por se ishte “befasuese” që ai nuk postoi asgjë në mbështetje të izraelitëve të vrarë në një sulm të Hamasit ose një mësuesi francez që u godit me thikë për vdekje nga një ish-student musliman(si reagim ndaj fyerjeve të mësuesit ndaj besimit islam).
Padia u soll në Gjykatën e Drejtësisë, e vetmja gjykatë franceze e autorizuar për të ndjekur penalisht anëtarët e qeverisë për shkelje të kryera gjatë detyrës së tyre. /tesheshi.com/
