Momenti i lamtumirës nga futbolli është shumë i hidhur për çdo futbollist, ndaj dhe shumë prej tyre shtyjnë kohën në mënyrën që të vazhdojnë të jenë ende aktiv brenda fushës së lojës. Mirëpo disa prej tyre nuk patën fat, duke u shkëputur nga futbolli në moshën më të mirë të mundshme.
Tesheshi.com ua sjell historinë e disa prej futbollistëve që u pensionuan para kohe:
George Best
Njëri ndër futbollistët më të mirë në historinë e futbollit anglez, i dha fund lojës aktive në moshën 28-vjeçare. Ai u rikthye më pastaj, por aventura e tij zgjati shumë pak kohë dhe kurrë nuk e arriti nivelin që kishte në Manchester United.
Eric Cantona
Sulmuesi kontravers i Manchester United është lodhur herët nga futbolli. Në moshën 30-vjeçare ai hoqi dorë nga loja aktive duke vendosur të dalë në pension, në mënyrë që të kishte një jetë më të rehatshme.
Michael Platini
Njëri ndër lojtarët më të mirë të shekullit XX, Platini i dha lamtumirën futbollit në moshën 32-vjeçare, pasi kishte fituar Ligën e Kampioneve me Juventusin dhe kishte luajtur në Botërorin e vitit 1986 me Francën.
Carlos Roa
Ishportieri i skuadrës spanjolle Mallorca, vendosi t`i japë fund lojës aktive të futbollit në moshën 30-vjeçare, për t’iu përkushtuar një profesioni tjetër. Rikthimi i tij ndodhi shumë shpejt, por më nuk gjeti nivelin që kishte patur më herët, kështu që u detyrua përfundimisht të ndahet nga dorezat e tij.
Marco Van Basten
Për shkak të një lëndimi të rëndë në gjunjë, legjenda e Milanit dhe dhe e Holandës, Marco Van Basten, u detyrua t`i varë këpucët para kohës. Në moshën 31-vjeçare ai u përshëndet me futbollin. Ndoshta po të ishte e avancuar mjekësia sikurse në ditët e sotme, ai do vazhdonte të luante edhe për disa vite të tjera futboll.
/tesheshi.com/
