Të hënën do zgjidhet një dilemë e madhe: fakti nëse Eduart Ndocaj, i ashtëquajturi kaubojsi, do futet në parlamentin shqiptar si deputet, duke zëvëndësuar Arben Ndokën e dorëhequr.
Komisioni Qendror i Zgjedhjeve do të mblidhet për t’i kaluar mandatin e Ndokës një tjetër kandidati nga lista e PS-së në Lezhë.
Gjasat e deritanishmë janë që atë ta marrë pikërisht kaubjosi, Eduart Ndocaj, ndonëse ende nuk ka asnjë prononcim zyrtyar nga ana e selisë rozë që do të jetë pikërisht ai.
Edhe pse ai i është atribuar Ramës si gjetje, ndryshe i thonë dhe kaubojsi i Ramës, ai është konfliktuar me shefin e qeverisë kohë pas përfundimit të zgjedhjeve.
Por kjo ka ndodhur në kohën kur ai kishte bindjen se nuk do bëhej dot deputet, pasi e Rama e kishte prerë në besë, po për çështje mandanti. Shpresonte të zinte vendin e Mimi Kodhelit. Por ai tashmë shpreson sërish që ëndrra do t`i bëhet realitet.
Ndryshe nga bashkëkrahinorët e tij, Ndocaj nuk është përfshirë në ndonjë proces penal dhe nuk është përfolur për ndonjë akt kriminal.
Ai njihet ndërtues, biznes të cilin e ka ushtruar në vitet e gjata të emigracionit në Itali.
Përbetimi i tij politik nëse do bëhet deputet, është angazhimi për t`iu mundësuar emigrantëve të drejtën e votës.
Madje ai, e quan çast historik në politikën shqiptare mandatimin e tij si deputet, pasi është shprehur që për herë të parë, emigrantët shqiptarë do kenë një përfaqsues të zërit të tyre në parlament. /tesheshi.com/
