Pas një muaji fushatë, sot në Shqipëri është heshtje zgjedhore. Sipas ligjit, asnjë parti apo individ politik nuk duhet të bëjë propagandë politike në publik. Thënë me fjalë të tjera, duhet të mbajë gojën kyçur, për t’i parapritë së dielës ku do të votohet për qverisjen e katër viteve të ardhshme.
Fushata e sapopërfunduar ishte një risi në politikën shqiptare, pasi për herë të parë dy forcat e mëdha tradicionale, PS dhe PD patën një gjuhë të kultivuar karshi njëra-tjetrës, ku toni ju dha vetëm në përballje me LSI-në. Madje ishte kjo e fundit që ofroi një gjuhë të ashpër në adresë të dy të mëdhenjve.
Sondazhet e deritanishme e nxjerrin LSI në opozitë, një zhvillim ky jo pa rëndësi në politikën shqiptare, pasi forca e profilizuar si “king maker”, e humb këtë status të privilegjuar pas gati 8 vitesh, duke u rifutur dhe njëherë në garë për t’u faktorizuar politikisht.
Po duke iu referuar sondazheve, gjithnjë atyre jo-partiake, PS del parti e parë e PD e dyta. Por partisë së Ramës i duhen me patjetër 71 mandate për të qeverisur pa ia shtrirë dorën askujt. Aleanca me LSI-në është përjashtuar kategorikisht, e sipas gjitha gjasave, mund të kenë 2 a 3 deputetë nga forcat e tjera, mundet dhe nga PD, që “t’i bëhen krah” kryesocialistit për të marrë një tjetër mandat 4-vjeçar qeverisës. /tesheshi.com/
