Rusia ka dërguar avionë ushtarak në ndihmë të regjimit sirian, thanë zyrtarët, duke ngritur kështu nivelin e pranisë ushtarake që e ka vendosur Moskën në konflikt me Uashingtonin, e për të cilën dy shefat përkatës të mbrojtjes zhvilluan një bisedë telefonike, e para në një vit.
Carter dhe Shoigu ranë dakord në atë që në gjuhën ushtarake njihet si dekonfliktualizim.
Dy ish-armiqtë e Luftës së ftohtë kanë një kundërshtar të përbashkët në Siri, Shtetin Islamik, pavarësisht se mbështetja e Moskës për presidentin sirian Al Assad shihet me dyshim nga Uashingtoni që e bën atë përgjegjës kryesor për luftën shkatërrimtare në vend.
Detajet e bisedës mes dy shefave të Mbrojtjes, tregojnë se ministri rus, Shoigu i përshkoi si të natyrës mbrojtëse aktivitetet e Moskës në Siri dhe për “të përmbushur angazhimet ndaj qeverisë siriane”.
Megjithatë, nuk është e qartë se cilat janë këto angazhime dhe sesi prania ruse ndihmon në Siri.
Dërgesat më të fundit ruse në Siri ndërkaq, përfshijnë një rritje të konsiderueshme të forcës ajrore, sipas vlerësimit amerikan, me helikopterë luftarakë, artillery dhe rreth 500 forca të marinës ruse të vendosura në një pistë fluturimi në Latakia.
Burime amerikane flasin edhe për katër avionë luftarakë të dërguar në Siri. /tesheshi.com/
