Kamila Beljackaya, një aktore ruse, vdiq tragjikisht kur një dallgë e madhe e tërhoqi në det teksa po ushtronte joga në ishullin Samui në Tajlandë.
Një kamera sigurie e fiksoi atë duke zbritur nga makina e saj pak çaste para se të rrëmbehej nga një dallgë dhe të tërhiqej në detin e rrëmujshëm.
Gjithçka që mbeti pas ishte një tapet yoga rozë. Kamila e kishte vizituar shpesh vendin ku ishte fundi i saj, duke e quajtur “shtëpinë” e saj dhe vendin më të bukur në botë.
Ajo shpesh ndante në rrjetet sociale se sa shumë e donte ishullin Samui.
“E dua shumë Samuin. Ky plazh shkëmbor është gjëja më e bukur që kam parë në jetën time. Faleminderit universit që jam këtu tani”, shkroi ajo në një nga postimet.
Tragjedia ndodhi në Lad Ko, ku Kamila mbërriti me një makinë të kuqe u drejtua e vetme drejt shkëmbinjve, me një peshqir yoga. Tapeti u gjet më vonë duke notuar në det të trazuar, ndërsa trupi i saj u gjet gjatë fundjavës në një distancë prej një kilometër nga vendi i incidentit.
Një turist u përpoq të shpëtonte, por fatkeqësisht pa rezultat. Ekziston edhe një video e momentit kur dallga e tërhoqi aktoren në det.
Tayland'da kayalıklarda yoga yapan 24 yaşındaki Rus oyuncu Kamilla Belyatskaya, dev dalgaya kapılarak hayatını kaybetti. pic.twitter.com/5x7Mg6szZf
— Dünyadansonhaberler (@dunyadansonhabr) December 2, 2024
Shefi i qendrës së shpëtimit në këtë ishull ka theksuar se janë paralajmëruar për rreziqet që ekzistojnë në plazhe, sidomos në sezonin e musoneve.
“Edhe pse vendndodhja e këtij incidenti nuk është një zonë noti, por një vendqëndrim. Ka shumë mundësi që vala të ketë habitur viktimën”, tha kreu i qendrës së shpëtimit. /tesheshi.com/
