I ftohti siberian ka pushtuar të gjithë vendin, duke bërë që temperaturat sa vijnë e ulen dita-ditës. Sinoptikanët kanë parashikuar që dita e dielë e kësaj jave do të jetë shumë e ftohtë, aq sa temperaturat do të zbresin disa gradë nën minus.
Sipas tyre, në fundjavë pritet një rënie e ndjeshme, duke bërë që termometri të zbresë në zonat malore deri në -10 apo -11 gradë celcius. Ndërkohë, moti do të jetë i kthjellët dhe nuk do të ketë reshje shirash.
Kjo vjen si pasojë e rrymave të ftohta siberiane që po përshkojnë këto kohë të gjithë Ballkanin e më gjerë. Kjo situatë do të zgjasë deri në javën e ardhshme, ku pritet edhe një rritje e temperaturave.
Deri atëherë, për të gjithë ata që do u duhet të udhëtojnë duhet të kenë kujdes me ngricat në rrugë, ndërsa të tjerët mund ta kalojnë në ngrohtësinë e shtëpisë, me çaj e pse jo edhe të ndonjë libri interesant./tesheshi.com/
