Kryeministri Rama ka folur mbi godinën e re të Federatës Shqiptare të Futbollit e cila do ndërtohet atje ku prej vitesh është godina qendrore e ish-klubit Dinamo, ndërtuar në vitet ‘80-të, kohë kur Rama ishte dhe pjesëtar i këtij klubi si basketbollist. Godina do shembet e në vend të saj do jetë ajo e FSHF-së.
“Shpresoj të jetë e vërtetë ajo thënia se shiu sjell bereqet”, tha Rama, duke e lidhur “bereqetin” si term me të ardhmen e afërt të FSHF-së në godinë të re. e gjitha pritet të ndodhë pas 18 muajsh.
Nga ana tjetër, Rama kërkoi që prania e tij në ceremoni, ku para tij foli dhe Presidenti Armando Duka, të mos ngatërrohet me fushatën për kreun e ri të federatës. Rama e përjashtoi veten kategorikisht nga përfolja se kërkon të marrë FSHF-në me anë të kandidatit Bashkim Fino, aktualisht deputet i PS-së. /tesheshi.com/
