Fshati idilik austriak është “viktima” e fundit e turizmit, pasi thashethemet e çuan atë të identifikohej si frymëzim për mbretërinë Arendelle nga filmi i njohur “Frozen”.
Hallstatt ndodhet rreth një orë nga Salzburgu dhe është shtëpia e vetëm 780 banorëve. Rritja e numrit të vizitorëve është e madhe, gjë që reflektohet më së miri treguesit; që nga viti 2009 kur kishte rreth 100 turistë në ditë në këtë fshat, e deri në vitin 2019 kur ky numër shkoi në 10 mijë.
Ky “sulm” ndodhi në faza. Në vitin 2006, fshati u promovua në një program të Koresë së Jugut. Në vitin 2011, një biznesmen kinez bëri një kopje të këtij fshati në jug të provincës Guangdon që kushtoi rreth 700 milion. E më pas vjen “Frozeni”.
Problemi “u përkeqësua” më tej kur Hallstatt u bë viral në Azinë Lindore, si “qyteti më instagrammatik në botë”.
Kryetari i bashkisë së Hallstatt, Alexander Scheutz thotë se synonte të zvogëlonte numrin e turistëve me një të tretën.
Banorët kanë përfituar nga numri i madh i turistëve, por disa ankohen për këtë rritje.
“Kjo është një fatkeqësi”, tha Verena Lobisser, pronare e një hoteli lokal. /tesheshi.com/
