Një fundjavë e frikshme ka qenë kjo që lamë pas për Mick Schumacher, të birin e Michael Schumacher. Në raundin e dytë të F4 ai ka pësuar dy aksidente në dy garat e para. Aksidenti i dytë, të cilin keni mundësi ta shikoni edhe në videon më poshtë, i ka shkaktuar një frakturë në dorë.
Pas fitores në Oschersleben, gjatë debutimit në F4 gjermane, Schumi junior ka marrë pjesë në takimin e dytë të kampionatit në Red Bull Ring, pistën në të cilën do të zhvillohet më 21 qershor edhe Formula 1.
Në pistën Remus, gjatë rrëshkitjes së parë, në të cilën Mick përplasi dy kundërshtarë dhe doli jashtë rruge, nuk pati pasoja fizike. Pak minuta përpara përfundimit të garës, ndërsa ka qenë duke mbrojtur pozicionin e tij në fushë nga një kundërshtar, ai doli nga rruga duke thyer edhe barrierat, ngjarje kjo që e la me frakturë në krah. /tesheshi.com/
