Qarqet e Kremlinit që kanë hyrë thellë në situatën politike në Maqedoni, ku shpesh janë akuzuar se po mbajnë me forcë Nikolla Gruevskin, po depërtojnë fort në fushatën zgjedhore. Ky proçes mbyllet pas tre ditësh, ndërsa u bëhet thirrje sllavëve të Maqedonisë që të mos votojnë partitë e tjera, përveç Gruevskit, pasi ata duan t’ja japin qeverinë në dorë të shqiptarëve.
Në një shkrim autorial, portal i sponsorizuar nga Klermili Sputnik që është një lloj “Zeri Amerike” i Moskës, në edicionin e saj në gjuhën serbe, ka theksuar se shqiptarët rrezikojnë që tashmë të bëhen aktorë kryesorë politikë pas zgjedhjeve të së dielës.
Me një titull “Shkupi në duart e shqiptarëve”, Sputnik ka intervistuar një politolog pranë VRMO-së së Gruevskit, i cili lëshon alarmin e fuqizimit të shqiptarëve.
“Ngërçi politik që po zgjat prej dy vitesh në Maqedoni, mund të kthehet në një makth, për shkak të kushteve ku ndodhen partitë shqiptare. Zgjedhjet e parakohshme parlamentare në Maqedoni, të cilat do të mbahen të dielën kanë sjellë një rritje në nivel të ri të pozitës së shqiptarëve në Maqedoni. Në planin e dytë janë shtyrë të gjitha çështjet e tjera. Politologu Branko Gjeorgjevski nga Shkupi pranon se zgjedhjet në Maqedoni kanë fituar formën e një referendumi, kryesisht për shkak të çështjeve shumë të rëndësishme politike të ngritura nga opozita, ka hapur krahun për shqiptarët në Maqedoni”, thekson Brankica Ristiq në shkrimin e saj në “Sputnik Serbia”, e cila në analizën e saj thekson më tej se: “E gjitha filloi në deklaratën e kreut të opozitës kur Zoran Zaev tha se partia e tij është e gatshme për të përhapur përdorimin e gjuhës shqipe në Maqedoni. Partitë shqiptare e kanë kuptuar këtë, si një ide për të formalizuar e gjuhën shqipe në të gjithë territorin e Maqedonisë. Nëse kësaj i shtohet deklarata se Marrëveshja e Ohrit duhet të zgjerohet, atëherë kemi të bëjmë me një ndryshim axhende”, tha Gjeorgjevski.
Gazeta ruse thekson se një rrezik i afërt sipas saj është një ndryshim i Kushtetutës të Maqedonisë që ajo e cilëson “federalizim dhe kantonizim të vendit”.
“Shqiptarët duan pjesën proporcionale të buxhetit në varësi të rajonit ku jetojnë. Këto janë të gjitha kërkesat që po hyjnë thellësisht në shtyllën e shtetit të Maqedonisë, nga i cili është e qartë se, kur zgjedhjet kanë përfunduar ata do të hynë në lojë për të krijuar koalicionet”, thekson Sputnik duke cituar Gjeorgjevskin.
Dhe sipas rusëve, vetëm Gjorgjevski ka refuzuar kushtin e shqiptarëve, por më pas gazeta ruse bën një llogari. Parlamenti i Maqedonisë ka 123 deputetë, por për të formuar qeverinë duhet një shumicë e 63 deputetëve.
Maqedonia është e ndarë në gjashtë zona, dhe çdo njësi jep 20 deputetë. Se sa deputetë do të kenë shqiptarët do të varet sa vota ata marrrin në në Shkup e Tetovë kryesisht. Praktikat e deritanishme tregojnë se numri i deputetëve shqiptarë varion midis 25 dhe 27. Në këtë situatë, çdo parti maqedonase qoftë edhe e dyta mjafton të marrë 40 deputetë për të formuar qeverinë, duke pranuar kushtet e shqiptarëve”./tesheshi.com/
