Nga Blendi Gashi
Vërtet që Albin Kurti dha dorëheqje nga kreu partisë që vetë e themeloi, Vetëvendosje, por ai erdhi duke u bërë gjithnjë e më aktiv politikisht, sidomos me praktikën e zbritjes në terren, për takime “gju më gju” më popullin, siç thuhet në ligjërimin politiko-folklorik shqiptar, huazuar që nga koha e Enverit, ku vetë ky i fundit mëtonte se ishte i tillë, pra njësh me popullin, me njerëzit e thjeshtë. Dhe ndoshta kjo ka bërë që sondazhet ta çojnë shumë përpara VV-në, deri në pikën sa Kadri Veseli të tundet vendit e të nis një praktikë të ngjashme me atë të Albinit.
Këtë e ka bërë të ditur vet ai ditë më parë në mbledhjen e Këshillit të Përgjithshëm të PDK-së, kur tha se javën e ardhshme do shkojë në vende të ndryshme ku do njihet nga afër me shqetësimet e qytetarëve.
Veseli në të njëjtën kohë ka kërkuar nga strukturat partiake të mobilizohen, pasi siç tha, “vendi ka hyrë në vit elektoral dhe koha është që të përgatitemi për fitoren e radhës të PDK-së”.
Megjithatë, Veseli nuk ka treguar nëse këtë mobilizim e kërkon vetëm për zgjedhjet lokale që do mbahen në vjeshtë apo për zgjedhjet parlamentare, për çka deputet të partisë së tij po kërkojnë me ngulm prishjen e koalicionit me PDK-në.
Njohësit e rrethanave politike në vend, thonë se Veseli po i frikësohet sondazheve të fundit ku partinë e tij nuk e nxjerrin bindshëm si fituese eventuale të zgjedhjeve si vite më parë, andaj me apo pa dashje, po detyrohet që të bëjë atë që bën ish-kreu i VV-së.
Por Faik Krasniqi, opinionist politik, thotë se paralajmërimet e Veselit për takim me qytetarë nuk lidhet me praktikën e Albin Kurtit. Sipas tij, kreu i PDK-së do dalë në terren për shkak se sondazhet e fundit partinë e tij e rendisin me një përqindje të vogël si të parën.
“Praktika e Albin Kurtit për të takuar qytetarët në mbarë vendin është mëse e arsyeshme, sepse Vetëvendosja është në opozitë. Kurse Kadri Veseli është kryetar Kuvendi dhe është i obliguar që aty ta kryejë punën për të cilën është emëruar, punë të cilën deri më tash nuk e ka kryer si duhet, dhe nuk ka asnjë arsye që të takohet me qytetarët e Kosovës, kur partia e tij është në mandatin e tretë qeverisës”, thotë Krasniqi për tesheshi. com.
Dhe si shtron më pas pyetjet se çfarë do t’u ofrojë qytetarëve Veseli gjatë takimit me ta?
“Apo do t’i gënjejë sikurse paraardhësi i tij Hashim Thaçi, me premtime të njëjta dhe kurrë të realizuara: krijimi i 200 mijë vendeve të reja të punës, liberalizimi i vizave, krijimi i Ushtrisë etj. Premtime dhe gënjeshtra të njëjta. Ose ky ka shpikur premtime dhe gënjeshtra të tjera për t’ua servuar qytetarëve të stërlodhur të Kosovës, vetëm e vetëm sikurse Hashim Thaçi t’ia arrijë qëllimin për t’u bërë kryeministër. Por, qytetarët e Kosovës nuk besoj që atij dhe këtij pushteti do t’u besojnë më në premtimet e gënjeshtra të tyre”, thekson Krasniqi.
Për opinionistin tjetër, Arsim Haziri thotë se Veseli është i sheqёsuar nga ngritja e Lёvizjes Vetёvendosje nё nivel vendi
“Kadri Veseli, pavarёsisht takimeve qё mund t’i realizon nё degёt e ndryshme ai as karizmёn as pritshmёrinё e qytetarёve s’mund tё ketё, pasi qartazi kuptohet se cili ishte roli i tij gjatё kohёs sё para dhe pas luftёs. Mbi kёtё bazё konsideroj se ky nivel ka tё pamundshёm tё zotёroj nё masё tё madhё besimin qytetare, kёsaj i shtohen edhe aferat qё janё prezentuar kohёn e fundit, mbi tё gjitha afera ‘Pronto’, e cila afera atё dhe eksponentёt e tij i nxjerrin si liderё kryesore nё degradimin e vendi. Pra Veselin nё masё tё madhe ёshtё ka e shqetёson ngritja e LVV, dhe nё mjetet qё kjo Lëvizje i shfrytёzon, pra si takimet me qytetarë, kreu i PDK-së tenton t’i pёrvetёsoi”, thotë Haziri, për tesheshi. com.
Por opinionisti Haziri shprehet se Veseli e ka të vёshtirё tё luajë rolin e njё figure liberale dhe një politikani që mund ta nxjerrë vendin nga kaosi në të cilën është zhytur vendi.
“Ai pёrfaqёson figurёn e njё njeriu jo ligjorë dhe mbi bazёn e njё pёrshkrimi tё pёrgjithshёm-ndёr individ e ka tё pamundur tё pёrvetёsoj mjetet qё LVV, zhvillon nё shoqёri pёr tё absorbuar besimin popullorё”, thotë Haziri.
Ndryshe, pas zgjedhjeve parlamentare kurdo që mbahen ato, sivjet apo vitin e ardhshëm siç parashihet me kalendarin zgjedhor, Veseli do jetë kandidat për kryeministër nga PDK, për çka bashkëpartiakë të tij shprehën të bindur se shefi i i tyre do drejtoi qeverinë e re. /tesheshi.com/
