Irani ka dislokuar trupa milicie për të forcuar forcat e sigurisë që luftojnë demonstratat në rajonet kurde të vendit.
Teherani ka vendosur anëtarë të njësisë paraushtarake Basij, trupa që kanë qenë në ballë të shtypjes së trazirave popullore për dekada, në zonat kurde ku shtatë persona u vranë në protestat të mërkurën mbrëma, raporton Reuters.
Autoritetet vazhduan të shtypin protestat në të gjithë vendin e shkaktuar nga vdekja e një vajze me origjinë kurde, Mahsa Amini, në paraburgim nga policia.
Videot në mediat sociale, të cilat Reuters nuk mundi t’i verifikonte, tregojnë anëtarët e Basias duke rrahur protestuesit.
Sipas analistëve, mund të ketë një milion anëtarë vullnetarë të Basij-as, të lidhur me Gardën Revolucionare elitare.
Thuhet se trazirat nuk tregojnë shenja pakësimi, me shumë gra që u bashkuan dhe ku thuhet se vdekja e disa vajzave adoleshente gjatë demonstratave nxiti protesta të mëtejshme. /tesheshi.com/
