Franz Beckenbauer: lajme jo të mira nga shëndeti i “Kaiserit”

Një dokumentar për jetën e Franz Beckenbauer pritet të shfaqet premierë në rrjetin televiziv gjerman ARD.

Por tej këtij lajmi rë mirë, “Kaiseri” i futbollit gjerman, futbollisti më i mirë në historinë e vendit, ka mbushur 78-vjeçar dhe gjendja e tij shëndetësore sa vjen e përkeqësohet.

Me rastin e dokumentarit, i vëllai zbuloi se gjërat nuk janë mirë për Franz. “Do të gënjeja nëse do të thoja se ishte mirë dhe nuk më pëlqen të gënjej. Nuk po shkon mirë, kjo është e vërteta. Shëndeti përballet me ulje-ngritje të njëpasnjëshme”.

Gjermani i madh që prej vitesh ishte president i të dashurit të tij Bayern Munich nuk shfaqet më në publik pasi ka

Ai i është nënshtruar dy operacioneve në zemër, një në ijë dhe që nga viti 2019 mezi shikon nga syri i djathtë.

“Kam pasur një infarkt të supozuar të syrit në njërin sy. Fatkeqësisht, nuk mund të shoh më asgjë me syrin e djathtë. Ndaj unë duhet të shikoj me zemrën time”, do thoshte ai në vitin 2019 kur filloi të humbiste shikimin e tij duke luajtur golf.

Gushtin e kaluar, Lothar Mathews tha për Franz: “I urojmë atij më të mirën, që ai të mund të kthehet në mënyrën që ishte më parë, me energjinë që kishte. Natyrisht, shpresojmë se do të përmirësohet përsëri. Franz gjithmonë thoshte se shëndeti është gjëja më e rëndësishme në jetë. Ai nuk e ka këtë për momentin”.

“Kaiser” ka fituar Kupën e Botës si lojtar në 1974 dhe si trajner i kombëtares gjermane në 1990 në Itali.

Ai ka dy Topa të Artë dhe është ndoshta mbrojtësi më i madh në historinë e ftubollit. /tesheshi.com/