“Drita fsheh fytyrën e saj duke qarë në një klinikë në veri të Shqipërisë. Ajo është shtatzënë me vajzë, pasi ka lindur para saj 3 të tjera. Më e madhja e tyre është katër vjeç. Kështu Drita ka kryer një krim të pafalshëm në sytë e shoqërisë së saj e cila preferon meshkujt mbi femrat” – kështu nis një reportazh i Francë Press, kushtuar rastit të një gruaje që familja e burrit nuk ja pranon që fëmijët e katër ta këtë sërish vajzë, sicc i ka patur dhe 3 të tjerat para saj.
Dhe ja si vijon më tej shkrimi i Francë Prees:
….kjo grua 31 vjeçare që jeton në Tiranë e ardhur nga Kruja me vjehrën e saj, shpreson që të gjejë një klinikë private që pranon t`ia abortojë vajzën që mban në bark.
Drita ulet e trishtuar duke murmuritur disa fjalë, ndërsa vjehrra e saj e shikon me një shikim të vrazhdë, sepse drita është përgjegjëse për privimin e pasardhësve meshkuj.
Kështu vjehra shprehet me një ton vendimtar: “Femra e katërt është një mallkim, që ne ose do ta ndërprejmë ose nuk do zemë më vend pas kësaj dite”.
Ligjet e abortit në vend e ndalojnë këtë praktikë që pas javës së dhjetë të shtatzënisë, ose pas 12 javësh në disa raste, por gjinia e fetusit nuk mund të përcaktohet vetëm pas javës së 16-të të shtatzënisë, prandaj Drita e bëri këtë vizitë të veçantë se mos ndoshta do të gjente një zgjidhje për problemin e saj.
Sipas Institutit Shqiptar të Statistikave, numri i grave në Shqipëri, në fillim të janarit të vitit 2015, ishte më pak se ai i meshkujve me 31 mijë, duke ditur se numri total i popullsisë është 2.800.000 njerëz.
Prandaj, Shqipëria dhe një nga vendet e pakta në Evropë, ku numri i meshkujve është më i larte se ai i femrave, pavarësisht se një numër i madh i meshkujve emigrojnë për arsye ekonomike.
Aborti femrave aplikohet edhe në Mal të Zi, ku shoqëria ende preferon meshkujt mbi femrat, sipas qendrës Maya Racevic për të drejtat e grave në Podgoricë.
Sipas studiuesve, gratë në Ballkan janë të nënshtruara ndaj një presioni të madh për të pasur një mashkull pavarësisht çmimit.
Hulumtuesit ia atribuojnë këtë fenomen të mentalitetit tradicional që mbizotëron në Ballkan, e cila femrën e sheh si një barrë mbi familjen dhe mashkullin si shtyllë të saj.
Si rezultat, për të shmangur ligjet që ndalojnë abortin, gratë shtatzëna merren me klinikat private apo me njerëz që nuk janë të licencuar për të kryer aborte, prandaj në disa raste ky proces përfundon me vdekjen e nënës. /tesheshi.com/
