Gazeta franceze Le Figaro njoftoi sot të mërkurën se Franca do paraqes përpara shtatorit të ardhshëm një projekt-rezolutë në Këshillin e Sigurimit të OKB-së për të ringjallur procesin e paqes mes izraelitëve dhe palestinezëve.
Me një afat 18-mujor i cili përcakton arritjen e një zgjidhjeje përfundimtare dhe të plotë të çështjes, vihet në dukje se në rast të dështimit në arritjen e një marrëveshjeje në fund të kësaj periudhe, Parisi do ta njoh përfundimisht shtetin e Palestinës.
Projekt-rezoluta bën thirrje për një zgjidhje të bazuar në dy shtete dhe krijimin e një shteti palestinez bazuar në kufijtë e qershorit të 1967 “duke arritur po ashtu në procesin e shkëmbimit të territoreve midis dy palëve.”
Ajo gjithashtu përfshin nevojën për të identifikuar planin e negociatave “e cila realizon sigurinë e Izraelit dhe Palestinës nëpërmjet kontrollit efektiv të kufijve” për të parandaluar aktivitetet terroriste dhe futjen e armëve.”
Projekt-rezoluta i referohet tërheqjes së ushtrisë së Izraelit nga territori palestinez, dhe bën thirrje për respektimin e sovranitetit të një shteti palestinez si të demilitarizuar, duke përfshirë shpalljen e një tërheqje graduale dhe të plotë të ushtrisë izraelite gjatë një periudhe tranzitore të rënë dakord.
Përsa i përket çështjes së refugjatëve palestinezë projekt-rezoluta bën thirrje për një “zgjidhje të drejtë, të balancuar dhe realiste”, bazuar në një “mekanizëm kompensimi”.
Për sa i përket Kudsit –e cila është një nga pikat kryesore të grindjes mes palëve- projekt-rezoluta franceze i referohet rëndësisë së Jeruzalemit si “kryeqytet i dy shteteve.”
Sipas Le Figaro, kjo projekt-rezolutë është përcjellë në Londër dhe Madrid në mënyrë jo zyrtare, ndërsa në Këshillin e Sigurimit do të paraqitet zyrtarisht në shtator të këtij viti. /tesheshi.com/
