Kryeministri francez Edouard Philippe ka njoftuar për ndryshimet e mundshme në ligjet e emigracionit në Francë, ku do të hyjnë kuota për ardhjet e reja.
Komentet e tij vijnë mes një debati të ngritur në parlamentin francez rreth imigracionit. Javën e kaluar, Presidenti Emmanuel Macron tha se Franca nuk duhet të jetë “shumë tërheqëse” për emigrantët.
“Ne kemi nevojë për një debat, për të vlerësuar atë që bëjmë ne dhe atë që e bëjnë fqinjët tanë. A duhet të rimbursojmë secilin? A nuk ka përjashtime”, tha Macron më 25 shtator.
Duke folur gjatë debatit në Asamblenë Kombëtare, Philippe tha se qeveria “nuk kishte arritur të gjitha objektivat” mbi migracionin dhe se sistemi francez i azilit sot është “i ngopur”.
Philippe tha se Franca kishte pasur 123,000 kërkesa për azil në 2018, një rritje prej 22% në krahasim me një vit më parë.
Përqendrimi në imigrim përpara zgjedhjeve komunale franceze në vitin 2020 ka ngjallur shqetësimin nga e majta franceze, ku politikani socialist Luc Carvournas ka argumentuar se retorika ishte “e varur” nga e djathta.
Carvournas tha se deklaratat e fundit për emigracionin tërhoqën krahasime me Italinë, ku Matteo Salvini, kreu i partisë La Liga dhe deri vonë Ministër i Brendshëm, ka qenë i hapur në kundërshtimin ndaj emigracionit dhe azilit.
Macron është kritikuar gjithashtu nga e djathta e drejtuar nga Marine Le Pen, duke akuzuar presidentin se po e përdorte emigracionin për të fituar votat në zgjedhjet e vitit të ardhshëm. /tesheshi.com/
