Një mijë e dyqind emigrantë të ardhur me tren nga Kroacia, të paktën 600 të tjerë të mbërritur me autobus: është Sllovenia shteti i ri për personat që kërkojnë azil, pas mbylljes së kufirit në Hungari.
Shteti i vogël alpin po ingranohet për të përballuar atë që në ditët e ardhshme mund të cilësohet si vala e emigrantëve. Kampet e strehimit janë ngritur në zonat kufitare si Petisovci e Gruskovje.
Nga lokaliteti kroat i Opatovac, ministri i brendshëm kroat Ranko Ostojic ka folur për një efekt domino të provokuar nga mbyllja e kufirit hungarez: “Ky sistem i organizimit me pritjen, regjistrimin, kontrollet e sigurisë dhe shëndetit, siguron një situatë më të mirë për emigrantët që kërkojnë strehim”.
Nga ana e tij, kryeministri Miro Cerar i ka bërë thirrje ushtrisë për të përballuar kontrollet e emigrantëve në ardhje. Komisioni i Lartë i OKB për Refugjatët vlerëson se të paktën shtatë mijë emigrantë pritet të drejtohen në Slloveni gjatë ditëve të ardhshme./tesheshi.com/
