Finn Middleton është vetëm dhjetë vjeç dhe është diagnostikuar me sëmundjen e kancerit.
Por as humbja e syrit të djathtë nuk e ka penguar t’i njohë lojtarët e tij të zemrës. Ai është një tifoz i zjarrtë i skuadrës angleze Manchester City, që së fundmi mori një iniciativë për ta ftuar atë ta ndjekë një ndeshje të “citizens” duke bartur me vete fanelën me emrin e tij personal.
Klubi madje kishte përgatitur një befasi të këndshme për të. Në dhomat e zhveshjes emri i djaloshit Finn ishte përkrah portierit Joe Hart, lojtarit të tij të preferuar.
Ai u gëzua pa masë, kur pa emrin e tij në tabelën e Etihad Stadium. I vogli realizoi ëndrrën e tij pasi u njoh nga afër me të gjithë lojtarët.
Reagimi i Finn ishte i pabesueshëm. 10-vjeçari nuk arriti të shijonte në maksimum ëndrrën e tij, pasi emocionet e kishin kapluar, por mjaftojnë fotografitë dhe videot që Finn të mbajë mend sa përjetë, se një ditë ishte përkrah lojtarëve të zemrës së tij./tesheshi.com/
