Festa e Halloween ka përfshirë të gjithë, edhe Shtëpinë e Bardhë. Presidenti amerikan, Barack Obama dhe bashkëshortja e tij Michelle kanë pritur fëmijë të shumtë nga shkolla të ndryshme të vendit, me rastin e festës tradicionale.
Çmimin e parë të kostumit më të bukur, të dhënë në Shtëpinë e Bardhë e ka fituar një vogëlush i veshur me kostumin e Papës.
Fëmijë të shumtë kanë veshur në këtë festë kostume të ndryshme duke nisur nga princesha, krijesa hapësinore si dhe veshje të krijuara nga mendja e imagjinata e pafrenuar e stilistëve.
Pjesa jugore e Shtëpisë së Bardhë është shndërruar në një pyll magjik ku fëmijët kanë luajtur dhe janë argëtuar për disa orë. Çifti Obama kanë shpërndarë karamele e çokollata për fëmijët e vegjël, ndërsa kanë shkrepur fotografi me familjarët e të vegjëlve./tesheshi.com/
