Bëhet fjalë për një miqësi të rrezikshme mes një ariu të murrmë dhe një ujku gri. Ai që e ka dokumentuar është fotografi finlandez Lassi Rautiainen, i cili ka ndjekur dhe ka përjetësuar për 10 ditë rresht aktivitetin e këtyre kafshëve.
Ata janë parë përherë bashkë, gjatë gjithë ditës, shoqërohen me njëri-tjetrin, flenë pranë njëri-tjetrit dhe ndajnë edhe ushqimin mes tyre.
“Askush nuk mund ta dijë saktësisht se përse apo se si ujku dhe ariu janë bërë miq, por me shumë mundësi kanë ngelur të dy vetëm që kur kanë qenë këlyshë. Më duket se ndihen të sigurt në praninë e njëri-tjetrit”,- ka thënë Rautiainen për Daily Mail.
Kjo miqësi tejet e pazakontë ka lënë pa fjalë edhe ekspertët e Greenpeace, të cilët kanë publikuar në Twitter fotografitë e Rautiainen, duke pranuar se duke i parë të dy bashkë, të prekin dhe të bëjnë për vete./tesheshi.com/
