Familjarët e saj por edhe shumë fqinjë e banorë të tjerë përreth e kishin ditur se ajo që bënte vogëlushja Han Jiaying ishte vërtet e rrallë dhe rrëqethëse: Ka aftësinë që të hipnotizojë kafshë shtëpiake dhe të tjera, që t’i dorëzohen “urdhrave” dhe lëvizjeve të saj.
E për ta mësuar këtë aftësi edhe shumë njerëz të tjerë, vajza 5 vjeçare Han Jiaying shkoi në një talent show të rrjetit televiziv shtetëror në Kinë, ku shpalosi mundësinë që arrinte për të hipnotizuar gjallesat.
https://www.youtube.com/watch?v=pG9AE4cIrxk
Kjo aftësi ka habitur audiencën në talent show në Kinë, ndërsa tashmë video e saj ka marrë qindra-mijë klikime që prej publikimit në rrjetet sociale pas transmetimit në tv shtetëror kinez.
Brenda 5 minutave, Han Jiaying ka arritur të vërë në gjumë një pulë, një lepur, një bretkosë, një qen dhe një hardhucë, duke përdorur vetëm zërin dhe prekjen me duar. Gjatë performancës në “Amazing Chinese”, 5-vjeçarja ka kthyer në kurriz gjallesat dhe më pas, duke i fërkuar, i ka hipnotizuar ato.
Pas 5 minutash, qeni, hardhuca, bretkosa, pula dhe lepuri dallohen edhe në video më poshtë, teksa janë në gjendje gjumi duke qëndruar pa lëvizur në shpinë. Të pranishmit në sallë mbetën të habitur nga aftësia e vajzës së vogël, ndërsa kafshët u zgjuan në të njëjtën kohë që të gjitha, direkt pas thirrjes së Han Jiayingn që ato të zgjoheshin./tesheshi.com/
