Kampioni i ri dhe i vjetër i botës në Formula 1, holandezi Max Verstappen (Red Bull), është rekordmeni i ri me 14 fitore në një sezon, pasi ka festuar bindshëm në Çmimin e Madh të Meksikës të zhvilluar në Mexico City.
Deri në këtë garë, Verstappen ndante rekordin me dy pilotët legjendarë gjermanë: Michael Schumacher i cili arriti 13 fitore në 2004 dhe Sebastian Vettel në 2013.
Verstappen udhëhoqi nga fillimi deri në fund të garës në Mexico City, dhe ai kaloi vijën e finishit me pak më shumë se 15 sekonda përpara britanikut Lewis Hamilton (Mercedes), i cili arriti të shmangë sulmet e Red Bull-it tjetër me Sergio Perez në timon, i cili ishte 18 sekonda pas fituesit.
Max Verstappen ka 416 pikë të paarritshme dy gara para fundit të sezonit dhe shoku i tij i klubit Sergio Perez depërtoi në vendin e dytë me 280 pikë, duke e shtyrë Monegaskun Charles Leclerc (Ferrari) në vendin e tretë, i cili ka 275 pikë.
Gara tjetër e planifikuar është më 13 nëntor dhe do të zhvillohet në pistën e Interlagos për Çmimin e Madh të Sao Paulos. /tesheshi.com/
