Një numër i madh i forcave të Njësisë Speciale të Kosovës, ia ka mësyrë Veriut për shkak të vizitës së paparalajmëruar të zyrtarëve të qeverisë serbe
Policia ka bërë të ditur se gjenden në Veri për të ndaluar hyrjen e mundshme në territorin e Kosovës të drejtorit të Zyrës për Kosovën pranë qeverisë serbe, Marko Gjuriç dhe ministrit të Mbrojtjes, Aleksandër Vulin.
“Policia e Kosovës bazuar në planifikimet e saja policore, në zbatim të vendimit të Ministrisë së Punëve të Jashtme të Republikës së Kosovës (RKS) për ndalim të vizitës në Kosovë të zyrtarëve serbë z.Vulin dhe z.Gjuriq, ka angazhuar njësi relevante policore për implementim të këtij vendimi”, thuhet në njoftimin e policisë.
Ndërkaq, Ministria e Jashtme ka treguar se leje për të hyrë në Kosovë i kanë dhënë vetëm ministrit të Kulturës, Vladan Vukosavleviç,
Ky tensionim i situatës në Veri ka bërë që presidenti Thaçi të anulojë pjesëmarrjen në tubimin përkujtimor të organizuar për 19-vjetorin e masakrës në Krushë të Vogël. /tesheshi.com/
