Siç bën të ditur AFP-ja, trupat e ushtrisë së regjimit sirian dhe të forcave aleate u kanë marrë gjatë natës kryengritësve një lagje tjetër të Halepit.
Shtënia nën kontroll prej tyre e Tarik el-Babit është në kuadër të mësymjes për ta marrë të gjithë qytetin, të ndarë deri më tani më dysh.
Observatori Sirian për të Drejtat e Njeriut deklaron se, me marrjen e kësaj lagjeje, qeveria siriane ka siguruar kontrollin mbi rreth 60 për qind të lindjes së qytetit, deri para pak ditësh tërësisht në duart e kryengritësve.
Marrja e Tarik el-Babit ka ardhur pas luftimesh të ashpra, që i kanë detyruar civilët të largohen që andej për në pjesë të tjera të qytetit.
Prej rinisjes së ofensivës së ushtrisë siriane në mesin e nëntorit, janë vrarë qindra civilë, ndërsa mijëra të tjerë janë larguar. OKB-ja ka paralajmëruar për kthimin e zonës së luftimeve në një varrezë gjigande për mbi 250.000 civilët që gjenden atje. /tesheshi.com/
