Halepi vazhdon të jetë qendra e luftimeve në Sirinë e mbërthyer që prej pesë vitesh nga konflikti civil. Pas një mësymje të kryengritësve për të çarë rrethimin në qytet, forcat qeveritare janë kundërpërgjigjur.
Duke iu referuar Al Jazeera-s, trupat e regjimit sirian ia kanë dalë të marrin dy kodrina dhe dy fshatra, që veç dy ditë më parë do të viheshin nën kontrollin e rebelëve.
Bëhet fjalë për territore në jugperëndim të Halepit, ku ushtria siriane e Beshar Esadit përparon me ndihmën e sulmeve ajrore të Rusisë.
Drejtuesi i Observatorit Sirian për të Drejtat e Njeriut, Rami Abdel Rahman, ka treguar të mërkurën se forcat qeveritare po nisin një kuındërsulm në zonat e marra nga kundërshtarët e regjimit gjatë dy ditëve të fundit.
“40 civilë janë vrarë në të dy anët e Halepit, e mes tyre 22 fëmijë, që prej nisjes së sulmit e deri mesnatën e së martës,” bëri të ditur Rami Abdel Rahman-i.
Radioja shtetërore pohoi po ashtu se trupat qveritare kishin nisur një kundërsulm në shkallë të gjerë në jugperëndim të Halepit.
Sipas Observatorit Sirian për të Drejtat e Njeriut, 50 rebelë dhe dhjetëra pjesëtarë të forcave të regjimit kanë gjetur vdekjen që nga e diela. /tesheshi.com/
