Forcat qeveritare irakiane dhe luftëtarët aleatë po vazhdojnë të përparojnë drejt qendrës së Tikritit, si pjesë e një ofensive në shkallë të gjerë për ta rimarrë qytetin strategjik nga ISIS-i.
Ushtria dhe luftëtarët e milicisë morën Kadisijen, zonën në veri të Tikritit, ndërsa një pjesën jugore forca të tjera po bëjnë përpara me të shpejtë drejt qendrës.
ISIS-i e futën në dorë Tikritin qershorin e shkuar, gjatë një ofensive në të cilën pushtuan pjesë të mëdha të veriut të Irakut. Si qendër e forcave të ISIS-it është përdorur që atëherë kompleksi i pallatave të ndërtuara në Tikrit nga Sadam Husein, ish-presidenti i ekzekutuar.
Më shumë se 20.000 trupa dhe milicë shiitë nisën dhjetë ditë më parë sulmin për Tikritin, duke përparuar nga lindja dhe përgjatë brigjeve të lumit Tigër. Të martën ata morën qytetin e el-Alemit, në skajin verior të Tikritit, duke hapur rrugën për sulmin mbi të.
Raportohet gjithashtu se të mërkurën është rimarrë nga forcat irakiane dhe spitali ushtarak i Tikritit. /tesheshi.com/
