Vangjel Ziajt, apo ndryshe Arben Gropajt, që siç thotë policia ” është dënuar nga autoritetet italiane me 32 vjet e 6 muaj burg për veprën penale ‘Trafiku i narkotikëve’ dhe është duke vuajtur dënimin në Itali”, i janë sekuestruar së fundi 1 milion euro pasuri, në kuadër të operacionit “Forca e Ligjit”
“Në përfundim të veprimeve të kryera, nga ana e Sektorit për Hetimin e Krimit Ekonomik e Financiar në Drejtorinë Vendore të Policisë Fier në bashkëpunim me Prokurorinë e Rrethit Gjyqësor Fier, u zbatua vendimi i Gjykatës së Rrethit Gjyqësor Fier për sekuestro preventive në lidhje me pasuritë e shtetasit Vangjel Ziaj, 50 vjeç, banues në Fier”,thuhet në njoftimij policor, ku më pas sqarohet:
-Pasuritë e sekuestruara kapin vlerën e 1 milion euro:
-Kompleks shërbimesh “Pelikani” i ndodhur në lagjen “Sheq i Madh” Fier.
-Një apartament me sipërfaqe 70 metra katror në lagjen “Kryengritja e Fierit”.
-Një automjet i markës “Benz”.
Vijon puna për identifikimin e pasurive të tjera që mund të ketë ky shtetas dhe personat e lidhur me të. /tesheshi.com/
